Салим Сазыгович Сүрүң-оолдуң 100 харлаанынга тураскааткан сактыышкын-ужуражылга

Тываның Улустуң чогаалчызы Салим Сазыгович Сүрүң-оолдуң 100 харлаанынга тураскааткан сактыышкын-ужуражылганы ном саңының ажылдакчызы Людмила Донгак дазылга бажыңның хоочуннарынга эрттирген.

Тыва чечен чогаалдың үндезилекчилериниң изеп кааны кокпазын улам алгыдып, делгем орукче шуут-ла үнүпкен, бодунуң үезиниң чаа үннүг ыраажызы – тыва чогаалчыларның ийи дугаар салгалы Салим Сазыгович Сүрүң-оол 1924 ч. апрель 15-тиң хүнүнде Барыын-Хемчик кожууннуң Акка төрүттүнген.
Чогаал ажылын 1946 ч. эгелээн. Шүлүк болгаш проза жанрларынга бижип чораан. Ол шупту 22 шүлүк болгаш проза номнарының автору.

Ужуражылганы "Көк-көк даглар" деп шүлүктүң уран номчулгазы-биле ажытканы база ханы уткалыг. Хүндүлүг аалчылар Тываның Улустуң чогаалчызы Мария Күжүгет, Россияның алдарлыг, Тываның Улустуң артизи Анзат Куулар, Тываның Улустуң артизи Надежда Наксыл уран номчулга, ыры болгаш чогаалдар үзүндулеринден уран-чечен көргүзүг оюннарын бараалгатканнар.
Чогаалчының өореникчизи, прозачы, шүлүкчү, очулдурукчу, чогаалчы башкы Мария Амын-ооловна Күжүгет Салим Сазыговичиниң дугайында сактып, чогаалчының болгаш чогаалдарының дугайында улуг үнелел сөстерни чугаалап, шүлүктерин номчаан.
Уран номчулганың тергиини Надежда Наксылдың күуселдези- биле чогаалчының шүлүктери хоочуннарның сонуургалын алган.
Анзат Кууларның күүселдезинде ыры:"Ынакшыл- дыр" хууда амыдыралче, өг-бүле айтырыынче сагыш- сеткилдерни доюлдуруп, сактыышкынче кичээнгейни угландырган. Өске-даа ырыларын хоочуннар-биле сеткилинден ырлашканнар.
Келген аалчылар- биле ужуражылганы хоочуннар улуг өөрүшкү-биле сонуургааннар. Дараазында ужуражылганы четтикпейн манап артканын демдеглеп чугаалааш, хоочуннар боттарының холдары- биле кылган белектерин сунганнар.