“Өгбелерниң хөөмей ыры“- хөгжүмнүг хемчег

“Өгбелерниң хөөмей ыры“- хөгжүмнүг хемчег 

Бистиң дазылга бажыңывыска “Өгбелерниң хөөмей ыры“ деп магаданчыг, солун хөгжүм үнү уярадыр ойнаан хемчег хоочуннарның сонуургалын оттурган.

Кырган-ава, кырган-ачаларывыс тыва үндезин хөөмей-сыгыттың, каргырааның ук-дөзүнун дугайында, кыска ырлар болгаш узун ырларның, тыва улустуң ырларының база тыва хөгжүм херекселдери: Игил (эъгил), Дошпулуур, Чадаган дээш оон-даа өске хөгжүмнерниң дугайында солун, өгбелерден дамчып келген кайгамчык төөгүлерин улуг сонуургал-биле дыңнап, төөгу- биле танышканнар. Хоочуннарывыс хөгжүмчүлер-биле кады ырлажып, сагыш-сеткили өөрүп, идекпейлиг киришкеннер!

Хөгжүмнүг хемчегни Кызыл кожууннуң Каа-Хем дугаары 1, 2 ортумак школаларының хөгжүм болгаш хөөмей - сыгыт башкызы Иргит Седен Отук-оолович-биле аныяк хөгжүмчү, тыва хөгжүм мастери Кара-Сал Дугар Буянович эттиргеннер.
Келген аалчыларывыска улуу-биле өөрүп четтиргенивис илередип, тыва хөгжүм херекселдерин сайзырадып, өөредир ажыл- ижинге сайзыралды, чедиишкиннерни күзеп, база катап хоочуннар- биле ужуражып кээрин манаар бис