"Чоннуң диктантызы" деп февраль 8-те болуп эрткен хемчегниң түңнелдери

"Чоннуң диктантызы" деп февраль 8-те болуп эрткен хемчегниң түңнелдери-биле таныштырып, Тываның гуманитарлыг шинчилелдер институдунуң дыл бөлүүнүң эртем ажылдакчылары, удуртукчузу Н. Ч. Серээдар-биле бөгүн, февраль 15-те, бистиң хоочуннар бажың-интернадынга база катап келгеш барганнар. "Алдын-кыстың Шагаазы" деп диктантыны бижээн киржикчилерден эң-не эки бижээннер: 
I-ги черге Ооржак Калдар-кыс Комбуевна, 
II -ги черге Ондар Кертик Баянсановна, 
III-кү черге Сонам Тана Иргитовна төлептиг болганнар. 
Тускай шаңналдар-биле Салчак Долума Хертековна ''Чечен сөстүң дарганы'', Куулар Алдын-оол Бора-Кожеевич ''Эң-не экер-эрес бижикчи'', Санчыт Галина Шойдановна ''Эң-не кичээнгейлиг бижикчи'', Очур Нина Михайловна ''Эң-не чараш хол-үжүүнүң ээзи'', Дүрбүй Валентина Каадыр-ооловна ''Эң-не кызымак бижикчи'', Ондар Шаңгыр Алдын-ооловна ''Эң-не соруктуг бижикчи'' деп онзалап демдеглеткеннер. Солун, ажыктыг хемчегни эрттирип бергени дээш дыл эртемденнеринге хоочуннар өөрүп, база катап аалдап кээринче чалааннар.