Тываның национал оркестрниң хөгжүмчүлери концертин бараалгатканнар

Дүүн, январьның 24-те, Кызылдың хоочуннар болгаш инвалидтер бажың-интернадынга Тываның национал оркестриниң хөгжүмчүлери кел чыдар Шагаа байырлалынга уткуштур концертин бараалгатканнар. Олар боттарының репертуарындан чон аразында билдингир ырыларын күүсеткеннер. Куттулуп турар ырылар чуртталгада эң-не чоок болгаш эргим кижилер - авалар дугайында. Хоочуннар сеткил хандыр ырыларны дыңнап, кады ырлажып, хөгжүмчүлерге четтиргенин илереткеннер.