Юлиана Ондар база Мерген Шойдан ''Болчаг шагы'' деп литература-музыкалыг клубтуң ужуражылгазынга келгеннер

Ноябрьның 28-те Кызылдың инвалидтер болгаш кырганнар бажың-интернадынга ''Болчаг шагы'' деп литература-музыкалыг клубтуң ээлчеглиг ужуражылгазы эрткен. Аңаа Кызыл кожууннуң Культура бажыңында ажылдап чоруур Тыва Республиканың алдарлыг артистери Юлиана Ондар база Мерген Шойдан келгеннер. Олар боттарын таныштырып, чаа болгаш эрги-даа чогаадыглары, ажыл-ижи-биле таныштырган. Кырганнар дыка өөрүп, магадап, солун кежээни эрттиргеннер.