Август 22 - Россия тугунуң хүнү

Улус-чонну демнештирип бириктирген,
Улуг-делгем чалгын ышкаш херли берген,
Өндүр-чаагай сүлде-сүзүүн мөңгежиткен,
Өңгүр чараш Россиявыс ыдык тугу.

Аян-чорук, даштыкы чурт чораанымда,
Аянныг каас, хевим ышкаш мени каастар,
Амыралдыг ак-көк дээрде челээжим дег,
Авыралдыг, Россиявыс ыдык тугу.

Өске черге, хары-чоннуң аразынга,
Өскүссүреп кара чааскаан артарымга,
Чүлдү-чүрээм чылыктырып көстүп келир,
Чүүден чараш, Россиявыс ыдык тугу.

Дүп чок терең, чуртувустуң далайларын,
Дүн-хүн чокка кадарчылаан хараалчы дег,
Салгын-хатка оожум-аяар киискип самнаан,
Салгал дамчаан, Россиявыс ыдык тугу.

Далай чоогу Балтикада, чылыг Крымда,
Даглыг Кавказ, Уралда-даа, Сибирьде-даа,
Дальний Восток, харлыг-доштуг Арктикада,
Даады көөрге, Россиявыс ыдык тугу.

Ооржак. А