А. А. Даржайга тураскааткан "Болчаг шагы" эрткен...

Александр Александрович Даржай- Тываның Улустун чогаалчызы, Россия Федерациязының Найырал орденинин, хөй-хөй шаңналдарының эдилекчизи, Ровно облазының, Тыва күрүненин база С.А Сарыг-оол аттыг премияларның лауреады. Май 16-да «Болчаг шагы» деп литература-музыкалыг клубтуң удуртукчузу хоочунувус Ондар Ш.А ээлчеглиг ундурулгезин шак бо ат-алдарлыг чогаалчывыска тураскаадып, сактыышкын кылдыр эрттирген. А.Даржайны таныыр, билир, эдержип чораан кижилер хоочуннар аразында хөй болган. Эң солун, чаптанчыг сактыышкынны оон кады өскен эжи Оксур Арапчор кылган. Кежээ дургу А.Даржайнын кол темалары- төрээн Тывавыска ынакшыл, чурту дээш чоргаарал илерээн, бойдузунга хумагалыг болурунга кыйгырган шүлүктери чаңгыланган. Ол ышкаш кижилерниң аразында ынакшыл, бүзүрел барын бадыткаан шүлүктер хөй. Оон чогааткан шүлүктеринге кайгамчыктыг, сагыш-сеткилди уярадып, көдүрүп кээр чоннуң ынак ырыларын хоочуннар база ажылдакчылар сеткил-чүрээниң ханызындан ырлап-бараалгатканнар.