"Салгалдарның харылзаазы" төлевилелде - төрээн дылывыска чоргаарал

"Салгалдарның харылзаазы" төлевилелде - төрээн дылывыска чоргаарал

Чырык чер кырында амыдырап-чурттап чоруур кижилерниң төрээн дылы дег үнелиг эртине чок.
Барыын- Хемчик кожууннуң Кызыл- Мажалык 2 дугаар школаның 9"б" клазының өөреникчилери-биле "Салгалдар харылзаазы" төлевилелдиң ажылы уламчылап, солун ужуражылганы Кызылдың хоочуннар бажыңында чурттап чоруур өгбелеривис "Тыва дылым - төрээн дылым, ава дылым, чоргааралым!" деп хемчегни эрттирген.
Хемчег амыр- менди ёзулалы- биле эгелээн. Тынывыс болган тыва дылывыстың дугайында шүлүктерниң, тоолдарның уран номчулгазы, уругларның сонуургалын хаара туткан.
Өгбелеривис өөреникчилерге тыва ырларны ырлап, үлегер домактар дизиин саат чокка чугаалап берип, боттары-биле таныштырганнар. Өореникчилер
база хоочуннарывыска шүлүктерин номчуп, дүрген чугаалап, оларның айтырыгларынга солун харыыларны бергеннер.
Хемчегниң киржикчилери солун эки деңнелге ужуражылга эрткенин демдеглээннер. Мерген угаанныг хоочуннар уруглар, оолдарга чагыг- сүмезин берип, тыва хөгжүм херексели - хомусту белекке бергеннер.
9" б" класстың тыва дыл башкызы Марта Тараачыновнага кады ажылдажылга дээш четтиргенивисти илереттивис.