Бай-Кара Дамчаевич Хөвеңмейниң 110 харлаанынга тураскааткан хемчег

Тыва литератураның үндезилекчилериниң бирээзи, Чогаалчылар эвилелиниң кежигүнү, шүлүкчү, прозачы, очулдурукчу Бай-Кара Дамчаевич Хөвеңмейниң 110 харлаанынга тураскааткан хемчеглерден хоочуннар чогаалчының допчу-намдары болгаш чогаалдары, шүлүктери-биле танышканнар.
Ном саңының ажылдакчызы Людмила Донгак чогаалчының шүлүктери, чогаалдары-биле таныштырылганы кылгаш А. С. Пушкин аттыг Национал ном саңынче экскурсияны организастаан.
Чурт-шинчилел чогаалы болгаш национал библиография килдизиниң ажылдакчылары хоочуннарны өөрүп, чылыг-чымчак уткуп хүлээп алгаш, белеткеп алган "Йөрээл сөстүң мастери- шүлүкчү" деп номнар делгелгези-биле таныштырып, кижи бүрүзүнүң сонуургаан номнарын номчутканнар.