"Аңгыр-оолдуң тоожузу" деп дириг чуруктуң көрүлдези

Кызылдың кырганнар болгаш инвалидтер дазылга бажыңынга ноябрьның 29-та солун ужуражылга эрткен. Степан Агбаанович Сарыг-оолдуң чогаалынга үндезилээн "Аңгыр-оолдуң тоожузу" дириг чуруктуң көрүлдезин режиссёрлар Виталий Петров база Ролан Ооржак хоочуннарга көргүскеннер.

Бистиң хоочуннарга дендии өөрүнчүг белек болган.

Дириг чурук Тываның төөгүзүн көргүскен, кайгамчык онза ойнаан киржикчилерлиг болду. Төрээн Тывавыстың чараш бойдус чурумалы, хемниң шылыраан даажы, төөгүлүг үениң амыдыралы хоочуннарның сагыш- сеткилин доюлдурганы көрүлде соонда илерээн. Олар улуу- биле четтиргенин илередип, сагыш- сеткили- биле улежип, сонуургаан айтырыгларын салып, оолдары Виталий Петров, Ролан Ооржак- биле сеткил хандыр харылзашканнар.
Дазылга- бажыңның удуртулгазының мурнундан четтиргенивисти илередип, чогаадыкчы ажыл- иш ам- даа сайзырап, чедиишкиннер, өөрүшкү- маңнай доктаарын күзеп арттывыс.