Салгалдарның харылзаазынга танцы самныг салым чаяанныглар хоочуннарны өөртуп келгеннер

Мерген угаанныг, амыдыралчы дуржулгалыг, хүндүлүг хоочуннарывыска тураскааткан айның хемчеглери уламчылап эрттип турар.
Бо хүн дазылга бажынга онзагай хемчег эрткен.

Бо чыл өг-бүле чылы.
А бо хүн салгалдарның харылзаазынга уруглары, оолдары,уйнуктары, кады төрээннери ырлыг-шоорлуг, танцы самныг салым чаяанныглар хоочуннарны өөртуп келгеннер.
Сонам Тана Иргитовнаның 3 салгалдың оюн-тоглаазы хөгжум херекселдеринге ойнавышаан аян тудуп, ыры-шоорун күусеткени дыка-ла онзагай чараш болду. Оглу Эрес Сонамның ыры күуселдези хоочуннарны танцы-самче ала-чайгаар чыыра тырткан.
Татьяна Доржунуң хоюг чараш үнү катап катап ырлаарынче чалаттырган.
Уйнуунуң уруу, 4- кү классчы Инесса Куулар кырган-авазы ышкаш уран номчулганың тергиини болган.
5-ки классчы Арзылаң Ондар дошпулуруунга сыгыртып хөөмейин салырга хоочуннар таалап, чоргаарланып дыңнааннар.
Чараш ырылар, хөгжумге аялгалар, хомуска чараш оюн онзагай- ла болду!
Хоочуннар биле аныяк салгалдың аразында харылзаа бедик деңнелге эртти.

Дазылга бажыңның удуртулгазының мурнундан келген аалчыларга өөруп четтиргенивисти илередип, салгалдарның харылзаазы ам даа быжыг боорун сеткиливистен кузеп артывыс.