Наталья Дойдаловна Ажыкмаа-Рушеваның дугайында болчаг шагы

Хөй чылдар дургузунда ак сеткили-биле ажылдаан, Тыва Республикавыстың сайзыралынче үнелеттинмес үлүг-хуузун киирген, кайгамчыктыг балалбас изин арттырган хоочуннарывыска өөрүп четтиргенивисти илередип, амыдыралдың болгаш күш-ажылдың дуржулгазын солуштувус.
Онзагай хемчегни балет артизи Наталья Дойдаловна Ажыкмаа-Рушеваның чогаадыкчы салым- чаяанының дугайында кыска таныштырылга-биле Кара-кыс Шыдырааевна Ондар эгелээн. Хоочуннар улуг сонуургал-биле дыңнап танышкаш, четтиргенин илереткеш, боттарының допчу-намдары-биле таныштырып ажык чугааже ном саңының ажылдакчызының удуртулгазы-биле үнгеннер.
"Күш-ажылды кылып тургаш бодуңга, төрээн чуртуңга, чонуңга, дөргүл-төрелиңге, эш-өөрүңге ажыктыг чүулдерни кылып, балалбас истен төөгүге арттырып чоруңар. Күш-ажыл кижини каастаар. Кижи чүткүлдүг ажылы-биле чоннуң, хөй-ниитиниң хүндүткелин чаалап аар"- деп үнелиг чагыын хоочуннар арттырдылар.