Шагаа байырлалын уламчылап эң-не хөглүг, солун, адаанныг оюннар эрткен

Тыва чоннуң төөгүден бээр ыдыктыг байырлалы Шагаа Кызылдың дазылга бажыңында уламчылап, эң-не хөглүг, солун, адаанныг оюннар эрткен. Хоочуннар-даа бот-боттарының аразында найыралдыг, кайгамчык чидиг болгаш уран-чечен баштак чугаалар-биле чула кагжып тургаш "Буга шыдыраа", " Кажык"-ка аът чарыштырып ойнадылар. Чаңгыс идегелдиг, бүзүрелдиг сөглээн сөстен чалгынналып, дүшкен кажыктарында чеже аът дүшкен болдур, ынча аът санынче аъдын чылдырып 2- ги, 3- кү черлерни Ираида Монгуш, Владимир Дармажап төлептиг ээлээннер.
Дайын-оол Сарыгбайның аъды ээзиниң өорүшкү- маңнайлыг, ырлыг- шоорлуг сеткил- хөөнүнден тос артты ажа халып, чедиишкинниг тиилелгени алган! Эр-хейлер!
"Буга шыдыраа" оюну база-ла чижилгелиг, буганың оруун муңгаштап, а буга эптиг көштү көрүп тургаш оолдарны арта халып чип, мөорейлешкеннер.
Түңнелинде, тиилекчилер илереттингеннер. Дурумаа Монгуш, Зоя Самдан, Эзир-оол Кужугет 3-кү, 2-ги, 1- ги черлерни төлептии- биле чаалап алганнар. Эр- хейлер!
Шаг-чаагай, Шагаа-чаагай! Курай-Курай!