Кызылдың дазылга бажыңның ажылдакчылары кажык оюнун Арат шөлунге чыылган чонга аът чарыштырып ойнатканнар

Шаг-чаагай! Шагаа-чаагай! Буянныг чүве бодаразын! Курай-Курай! Шагааның оюн-тоглаалыг хүнүнде Кызылдың дазылга бажыңның ажылдакчылары тыва улустуң шаандан тура ойнап келген оюннарының бирээзи - Кажык оюнун Арат шөлунге чыылган чонга аът чарыштырып ойнатканнар. Чарыштырар аъдын ойнакчы бурүзү кажыктар аразындан шилээш "Чүгүрүк карам", "Эзир- Карам", "Чыкпак аъдым", "Ак-Чүгүрүум" деп баштак аяны-биле адап алгаш, мөорейлешкеннер. Бай-Тайга, Барыын-Хемчик, Сүт-Хөл, Мөңгүн-Тайга, Чөөн-Хемчик, Кызыл, Өвүр, Эрзин, Тожу кожууннарның аъттары чүгүрүүн көргүзүп чарышкан.
Бирги оюнда Виктор Дулдүйниң Сүт-Хөл аъды бирги черни төлептиг ээлээн, Омак Каадыр-оолдуң Бай- Тайга, Вилора Саныганың Эрзин аъттары саадавайн келгеш, ийиги, үшкү черлерни үлешкеннер.
Тиилекчилер шаңналдарын алган соонда, дараазында киржир кузелдиг ойнакчылар уламчылааннар.
"Челер- Ойну, самнаптаалыңарам!"- дээш арат чон- биле демниг самнап, ойнап, хөгледивис- даа! Шагаа- биле! Курай- Курай!