«Салгалдарның харылзаазы» төлевилел Кызылдың дугаары 12 школазының өөреникчилери-биле болуп эрткен

«Салгалдарның харылзаазы» төлевилелде - төрээн дылывыска чоргаарал

Чырык чер кырында амыдырап-чурттап чоруур кижилерниң төрээн дылы дег үнелиг эртине чок.
Бо хүн Кызыл хоорайның дугаары 12 школазының 4"а" клазының өөреникчилери-биле "Салгалдар харылзаазы" төлевиледиң ажылы уламчылап, солун ужуражылганы Кызылдың хоочуннар бажыңында чурттап чоруур өгбелеривис "Тыва дылым - төрээн дылым, чоргааралым!" деп хемчегни эрттирген. Хемчег амыр- менди ёзулалы- биле эгелээн. Тынывыс болган тыва дылывыстың дугайында шүлүктерниң уран номчулгазы уругларның сонуургалын хаара туткан.
Өгбелеривис өөреникчилерге тыва ырларны ырлап, үлегер домактар дизиин саат чокка чугаалап берип, боттары-биле таныштырганнар. Өореникчилер
база хоочуннарывыска шүлүктерин номчуп, дүрген чугаалап, оларның айтырыгларынга солун харыыларны бергеннер. Ылаңгыя Арзылаң Ондар дошпулуурга ойнап, ырлап, сыгыртып хөгжүм байыр чедиргенин хоочуннар катап- катап чаптап , дыңнааннар.
Хемчегниң киржикчилери солун эки деңнелге ужуражылга эрткенин демдеглээннер. Мерген угаанныг хоочуннар уруглар, оолдарга
" Хоочуннарның угаадыглары" чагыг- сүмелиг бижиктерни белекке бергеннер.
4" а" класстың удуртукчу башкызы Зинаида Үвековнага кады ажылдажылга дээш четтиргенивисти илереттивис.