"Үш үне" деп этнокультурлуг диктантының шаңнал бижиктерин хоочуннар болгаш ажылдакчылар алганнар.

Делегейде дылдар-ла хөй – эмге-тикчок!
Дендии күштүү, деңгел чогу база-ла бар.
Тыва дылым – авам дылы – дээжизи ол!
Тывызыксыг, чараш дылым – өнчүвүс сен!

Хары черге каш чылда чорзумза-даа,
Хайыралдыг тыва дылым мени кагбаан.
Ием шайы, Ие-чуртум, Хүнүм ышкаш,
Идегелдиг, өскерлиш чок кады чор сен.

Өртемчейни меңээ сөңнээн
Өндүр ыдык, Тыва дылым!
Өңнүүм, Тыным, Чаяакчым сен!
Өргүн чонум Сүлдези сен!

Юрий Дарбаа.

Тыва дылдың хүнүнде "Тыва дылым - төрээн дылым!" - деп темалыг уран номчулгага хоочуннар идепкейлии-биле киришкеннер.
Тыва дыл хүнүнге тураскааткан республика чергелиг "Үш үне" деп этнокультурлуг диктантының шаңнал бижиктерин болгаш өөрүп четтириишкин бижиктерин хоочуннар болгаш ажылдакчылар алганнар.
- Төрээн дылывыс – бистиң өнчүвүс база чоргааралывыс-тыр.