"Тыва дылым - ыдык эртинем" деп хемчег өөреникчилер-биле онлайн хевирге эрткен

Бөгүн , 2023 чылдың октябрь 31-де, Барыын-Хемчик кожууннуң Кызыл-Мажалыктың дугаары ийи ортумак школазының 8"а" клазының өөреникчилери-биле "Салгалдар харылзаазы" төлевиледиң ажылы уламчылап, солун ужуражылганы Кызылдың хоочуннар бажыңында чурттап чоруур өгбелеривис тыва дыл хүнүнге тураскааткан "Тыва дылым - ыдык эртинем" деп хемчегни онлайн хевирге демнежип эрттирген. Игилге хөгжүмнүг үделге-биле эгелээш, Александр Даржайның:" Тыва дылым" деп шүлүүнүң уран номчулгазын хоочун башкы Шангыр Ондар номчаан соонда өгбелеривис өөреникчилерге тыва ырларны ырлап, үлегер домактарны саат чокка чугаалап берип, боттары- биле таныштырганнар. Өореникчилер база хоочуннарывыска шүлүктерин номчуп, оларның айтырыгларынга солун харыыларны бергеннер.
Хемчегниң киржикчилери солун эки деңнелге ужуражылга эрткенин демдеглээннер.
Кызыл-Мажалык ийи дугаар школаның тыва дыл болгаш чогаал башкызы Марта Тараачыновнага, физика эртеминиң башкызы Саян Владимировичиге кады ажылдажылга дээш четтиргенивисти илереттивис.