"Кадарчы" тураскаалынче ырлыг-шоорлуг, уран номчулгалыг аян-чорук

Кызылдың кырганнар болгаш инвалидтер дазылга бажыңында өгбелерниң амыдыралының кол өзээ – мал ажылы чораан Күш-ажылдың хоочуннары бары өөрүнчүг. Малчынның ажыл-ижи чымыштыг, улуг харыысалгалыг. Кыштың чыкылама соогунда, чайның изиинде, харлыг-частыгда, шат-шуурганныгда-даа ажык дээр адаанга малын кадарар амыр эвес ажылды кылып чораан эрес-шудургу, кежээ, тура-соруктуг, шалыпчы иштиң маадырлары-биле "Кадарчы" тураскаалынче ырлыг-шоорлуг, уран номчулгалыг, суттуг аяк-шайлыг аян-чорук онзагай солун эрткен.
Тыва чонун алдаржыткан
Тывязыксыг, малчын херээн
Уламчылап кылып чоруур
Кадарчыга мөңге алдар, мөңге хүндү!