Аныяк чогаалчы Саргылана Валерьевна Саая-биле солун ужуражылга эрткен

Бѳгүн, июль 27-де, Национал ном саңының абонемент килдизиниң ажылдакчылары хоочуннар бажынынга аныяк чогаалчы Саргылана Валерьевна Саая-биле солун ужуражылганы эрттирген.

Саргылана Саая чүгле чогаалчы эвес, ол «Орай күзел» деп тыва кинонуң кол режиссеру. Амгы үеде кады чурттаан эжиниң быжыг чѳлеңгиижи, үш ажы-тѳлүн кижизидип, ѳстүрүп чоруур үлегерлиг ава.

Хоочуннар Саргылана Валерьевнаның допчу намдарын, чогаадыкчы ажыл-ижин аажок сонуургап, Турцияга ѳѳренип чораанын кичээнгейлиг дыңнап, хѳй-хѳй солун айтырыгларны салып, аныяк авторга чогаал делегейинче ам-даа ханы шымныгып кирерин күзээннер.

Аныяк чогаалчының «Орай күзел» деп тыва кинозунуң үзүндүзү ужуражылганы каастаан.

Ужуражылга чылыг сактыышкын бооп артып каары-биле, Саргылана Саая «Чогаалымдан тѳѳгүп берейн» деп номун хоочуннар бажынынга белекке берген.

Тывызыксыг тускай корүштүг салым- чаяанныг, чечен сөстүг чогаалчыга хоочуннар өөрүп четтириишкинин илередип, белээн берип, ам- даа чогаадыкчы чедиишкиннерни сеткилиниң ханызындан күзээннер.

#кдипи #кызылскийдоминтернат #минтруд #тыванационалбиблиотека #саргыланасаая