"Салгалдарның харылзаазы" төлевилел Уургайлыг аржаанында

"Салгалдарның харылзаазы" төлевилел - Уургайлыг аржаанында.
Удуртукчузу- Людмила Донгак.

"Сүзүүм болган авайымның сүдү ышкаш,
Сүүзүннүг, мага-боттан адырылбас,
Тынар агаар, сеткилимниң хөрзүнү бооп,
Тыва дылым, дамыр-ханда тудуш-тур сен

Кырган-ачам уран-мерген тоолундан
Кыштың узун кежээзинде сени танааш,
Маадырлыг өлбес чоннуң дылы-дыр деп,
Магадааштың, кезээ шагда ынакшаан мен..."

Чырык чер кырында амыдырап чурттап чоруур кижилерниң төрээн дылы дег үнелиг эртине чок.

Кызылдың кырганнар болгаш кадыы кызыгаарлаттынган хамаатыларның дазылга бажыңының хоочуннары Уургайлыг аржаанында дыштанып келген сургуул уруглар, оолдар-биле өөредиглиг, чагыг-сумелиг солун кежээни эрттиргеннер.
Тыва дылдың келир үеде эдилекчилери хоочуннарны дыка өөрткен, тыва дылын эки билирин айтырыгларга харыыларга көргүзүп, шүлүктерни чугаалап, тыва чаңчылдарны, аас-чогаалынга билиглери-биле шынзытканнар.
Хоочуннар чагыг-сумезин берип, "Хоочуннарның угаадыглары" деп сүмелерлиг бижиктерин берип, чигирзиг белектерни бергеннер.
Төрээн дылын хүндүлээрин, үнелээрин, ыдыкшыдарын дамчыдып, мерген угаанныг өгбелерниң өнчү кылдыр арттырганы улустуң аас чогаалының үнелиин, күштүүн, чеченин мага хандыр номчуп таныжып чоруурун сумелээннер.

#кдипи #кызылскийдоминтернат #арголик #тывадыл #минтрудтыва