«Ава өг-булениң чырыткызы, кижи төрелгетенниң чаякчызы, чылыгның кадагалакчызы»

«Ава» деп сөс эң-не эргим, үнелиг, чоок, онзагай болуп келген болгаш болуп артар-даа ужурлуг. «Ава» деп сөсте, иениң чүрээнде өөрүшкү, муңгарал, каткы, өршээл, чоргаарал, дүвүрел шупту кады чурттап чоруур. Кажан Ие кижиниң өстүрүп каан ажы-төлү эки кижилер болза, Ава кижи оларынга чоргаарланып, арын-шырайынга кезээде өөрүшкү чайнаан, аас-кежиктиг, хостуг-шолээн чурттап чоруур.
«Ава өг-булениң чырыткызы, кижи төрелгетенниң чаякчызы, чылыгның кадагалакчызы» деп байырлыг хемчээл хөгжүмнүг байыр, 80 хардан өрү назылыг авалар, энелерге дазылга бажыңнын удуртукчузу Айлана Николаевнанын байыр чедириишкини болгаш белектер сунганы-биле эгелээн. Темалыг ыры болгаш шүлүк мөөрейи энелер, авалар аразынга улаштыр эгелээн. Эң-не чоок кижизинге ынаан, эң-не берге үеде дуза кадар, чедиишкиннерин үлежир, ажаап-карактап чорааш, өстүрүп, эртем-билиг чедирип каан аваларының дугайында ыры, шүлүктерни 21 киржикчи сеткилинден онзагай чараш кылдыр күүсеткеннер. Ном саңынын ажылдакчызы Людмила Донгак Пушкин аттыг национал ном саңынын ажылдакчылары-биле уран номчулганы кылып, хөгжүмнүг байырны чедирип, аваларга аас-кежикти, ак орукту, кадыкшылды күзээн.