Тыва дыл хүнүнге тураскааткан шүлүк мөөрейи болуп эрткен

Эртинелер бисте элбек,
Эргек базып, санап четпес.
Эң-не дээди тостуң бири -
Эргим тыва дылывыс бо.
Тыва дылга өртек турбас,
Тыныжывыс, тынывыс ол.
Тываларны тыва кылган
Тывызыксыг хуулгазын ол.
«Тыва» деп дыл турбаан болза,
Тывалар-даа турбас ийик.
«Тыва» деп чурт, тыва бижик
Тывылбас-даа турган ийик
Тыва дылдын мөгейикчилериниң аразында «Төрээн дылың ава ышкаш үнеле!» - деп кыйгырыглыг тыва дылга тураскааткан шүлүк мөөрейи болуп эрткен. Уран номчулганың тиилекчилери илереттинген. Олар - Светлана Очур, Надежда Дандар, Сайлык Хертек, Сай-Суу Монгуш, Азияна Артаа, Сайлык Салчак. Хоочуннар аразындан шылгарааннар: Капый Чымба, Долума Салчак, Чечекмаа Саая.

#тывадыл #тывадылхүнү #шүлүк #мөөрей #кызылскийдоминтернат