Тыва Республиканың хоочун чогаалчылары-биле солун ужуражылга болуп эрткен

Эртинени черден казар,
Эртемнерни номдан тывар
Угаан, билиг далайы ном.
Узуп ижер суг дег херек.

Кызылдың хоочуннар болгаш кадыы кызыгаарлаттынган хамаатылар дазылга бажыңынга Суван Шангыр-оол Монгуш оглу, Сайлыкмаа Комбу Салчак уруу, Александр Ондар Сюр-оол оглу - Тыва Республиканың хоочун чогаалчылары-биле солун ужуражылга Шаңгыр-оол Суванның "Кижиниң халавы" деп номунуң таныштырылгазы-биле эгелээн. Чогаал кижи бүрүзүн төрээн черинге ынак болурун угаадып, мөзүлүг бүдүштүг, быжыг туруштуг болурунче, найыралды үнелээринче кыйгырган. Ном кижиниң чоок өңнүү, дузалакчызы, сүмелекчизи, кижинин сеткил сагыжын, ишти-хөңнүн арыглап, иштики даштыкы делегейин байыдып чоруур. Хүндүлүг чогаалчыларывыс-биле ужуражылга хоочуннарывыска уттундурбас өөрүшкү болуп арткан.